WU Wien — Yevropaning yetakchi iqtisodiyot, moliya, menejment va biznes yo‘nalishidagi universitetlaridan biri hisoblanadi. Universitet dunyodagi eng yaxshi biznes maktablarining 1% qismida bo‘lib, xalqaro akkreditatsiyalarning «uchlik tojiga» (EQUIS, AMBA va AACSB) ega. U shuningdek, CEMS xalqaro menejment ittifoqi a’zosi va Financial Times reytingiga ko‘ra Yevropaning eng yaxshi 30 ta biznes-maktabi qatoriga kiradi.
Umumiy ma’lumot
- Tashkil etilgan yili: 1898
- Talabalar soni: 21 000 dan ortiq, shundan 31% — xalqaro talabalar
- Reytinglar: Shanghai Academic Ranking of World Universities va QS World University Ranking kabi xalqaro reytinglarda e’tirof etilgan.
Statistikaga ko‘ra, WU Wien bitiruvchilari o‘qishni tugatgandan keyin 1–2 oy ichida yaxshi ish topishadi.
WU Wien fakultetlari
- Biznes, iqtisodiyot va sotsiologiya fakulteti
- Tadbirkorlik huquqi fakulteti
Bakalavriat dasturlari
- Biznes, iqtisodiyot va ijtimoiy fanlar (BESC)
Biznes va ijtimoiy fanlar sohasida asosiy tayyorgarlik. Talabalar o‘zlari tanlagan yo‘nalish va ixtisoslikka mos fanlarni qo‘shib, dasturni o‘z ehtiyojlariga moslashtirish imkoniga ega.
Asosiy yo‘nalishlar:- Biznes boshqaruvi
- Xalqaro biznes boshqaruvi
- Iqtisodiyot va sotsioiqtisodiyot
- Axborot tizimlari
- Biznes va iqtisodiyot (BBE)
Bu dastur biznes va iqtisodiyotni global yondashuvda o‘rganishga asoslangan. Barcha darslar ingliz tilida olib boriladi. - Biznes-huquq (JUS+)
Huquq va biznes sohalarining tutash nuqtasida ishlaydigan mutaxassislar tayyorlash dasturi. Talabalar huquqiy bilimlar bilan bir qatorda biznes boshqaruvi bo‘yicha ham kuchli tayyorgarlikka ega bo‘ladilar.
Ingliz tilidagi magistratura dasturlari
- Biznes-kommunikatsiya
- Raqamli iqtisodiyot
- Iqtisodiyot
- Xalqaro menejment
- Marketing
- Statistik moliya
- Ijtimoiy va ekologik iqtisodiyot
- Strategiya, innovatsiyalar va boshqaruv nazorati
- Ta’minot zanjirini boshqarish
Nemis tilidagi magistratura dasturlari
- Eksport va xalqaro integratsiya menejmenti
- Moliyaviy boshqaruv va hisob-kitob
- Menejment
- Ijtimoiy iqtisodiyot
- Soliq va buxgalteriya hisoboti
- Biznes-huquq
- Biznes-ta’lim
Aspirantura va doktorantura dasturlari
- Ijtimoiy va iqtisodiy fanlar
- Biznes huquqi
- Moliyaviy fanlar
- Xalqaro soliq bo‘yicha tadqiqotlar
- Iqtisodiyot va ijtimoiy fanlar
Qabul talablari
- Ro‘yxatdan o‘tish: Universitet rasmiy saytida onlayn ro‘yxatdan o‘tiladi.
- Til talablari:
- Nemis tilidagi dasturlar uchun: A2 darajadan past bo‘lmagan til bilimi kerak.
- Ingliz tilidagi dasturlar uchun: IELTS 6.0 (bakalavriat) yoki IELTS 7.0 (magistratura).
- Zarur hujjatlar:
- Ariza formasi
- To‘liq o‘rta ta’lim haqidagi attestat
- Baholar varaqasi
- Rezyume
- Til sertifikatlari (nemis va ingliz tili)
- Ta’lim dasturiga mosligini tasdiqlovchi hujjat (Special Qualification for University Studies)
- Motivatsion xat
Maxsus malaka tasdiqnomasini qanday olish mumkin?
- WU Wien tomonidan talab etiladigan qo‘shimcha imtihonlarni topshirish.
- O‘qishga qabul qilingan holda, mahalliy universitet rektoridan tasdiq olish.
O‘qish narxi
- 364 yevro — Yevropa Ittifoqi fuqarolari uchun semestr to‘lovi.
- 727 yevro — Yevropa Ittifoqiga a’zo bo‘lmagan mamlakat fuqarolari uchun semestr to‘lovi.
- ÖH (talabalar ittifoqi) badali: 22 yevro.
Nega WU Wien-ni tanlash kerak?
- Nufuzli ta’lim: Dunyodagi eng yaxshi biznes maktablaridan biri.
- Xalqaro akkreditatsiyalar: EQUIS, AMBA va AACSB.
- Amaliy ta’lim: Yirik kompaniyalar bilan birgalikda ishlab chiqilgan amaliyot va stajirovkalar.
- Xalqaro almashinuv dasturlari: Talabalar 250 dan ortiq hamkor universitetlarda o‘qish imkoniyatiga ega.
- Zamonaviy kampus: Vena markazidagi interaktiv o‘quv markazlari va kutubxonalar.
Avstriyada nufuzli Yevropa ta’limi 746 yevrodan boshlab semester uchun mavjud.
