Moskva — Rossiyaning poytaxti, federal ahamiyatga ega shahar, Markaziy federal okrug va Moskva viloyatining ma’muriy markazi hisoblanadi. Aholi soni bo‘yicha Rossiyadagi eng yirik shahar va Yevropaning eng zich aholi yashaydigan shahri bo‘lib, 2021-yilda bu ko‘rsatkich 12 655 050 kishini tashkil etdi. Moskva dunyodagi eng katta aholi soniga ega 10 ta shahar qatoriga kiradi. U Rossiyaning mashhur turistik markazi bo‘lib, uning Kreml, Qizil maydon, Novodevichiy monastiri va Kolomenskoyedagi Voznesenskaya cherkovi YuNESKOning Jahon merosi ob’ektlari ro‘yxatiga kiritilgan.
Shahar 6 ta aeroport, 9 ta temir yo‘l vokzali va 3 ta daryo porti orqali yirik transport tuguni hisoblanadi. Moskva orqali Atlantika va Shimoliy Muz okeani dengizlariga daryo orqali chiqish mumkin.
Transport infratuzilmasi
Moskva Rossiyaning eng yirik transport markazidir. U federal avtomagistral va temir yo‘l tarmog‘ining markazida joylashgan. 2013-yilda Moskva transport tizimi orqali 11,5 milliard yo‘lovchi tashilgan. Shahar metropoliteni 1935-yilda ishga tushirilgan va bugungi kunda jamoat transportining 76% yo‘lovchi oqimini ta’minlaydi.
- Temir yo‘l tarmog‘i 10 ta asosiy yo‘nalish va 9 ta bekatdan iborat.
- Moskva viloyatida xalqaro Vnukovo va Ostafyevo aeroportlari joylashgan. Shuningdek, Domodedovo, Chkalovskiy, Sheremetyevo va Jukovskiy aeroportlari xizmat ko‘rsatadi.
- Kunlik 12 million yo‘lovchi avtobus, elektrobus, tramvay va marshrutkadan foydalanadi.
- Moskva metrosi o‘rtacha kunlik 6,5 million yo‘lovchini tashiydi.
- Monorel poyezdlar 2004-yildan beri faoliyat ko‘rsatmoqda.
Ilmiy va ta’limiy markaz
Moskva — dunyodagi yirik ilmiy markazlardan biri. Bu yerda atom energetikasi, mikroelektronika, kosmonavtika kabi sohalarda yetakchi tadqiqot institutlari joylashgan. Shuningdek, Moskva Rossiyaning muhim ta’limiy markazi bo‘lib, birinchi oliy o‘quv yurti — Slavyan-grek-lotin akademiyasi aynan shu yerda tashkil etilgan. 1755-yilda Lomonosov va Shuvalov tashabbusi bilan Rossiyaning eng yirik universiteti — Moskva Davlat Universiteti asos solingan.
2009-yil oxiriga kelib Moskvada 264 oliy o‘quv yurti mavjud edi, ulardan 109 tasi davlat, 155 tasi esa nodavlat tashkilot hisoblanadi. Shahar bo‘yicha talabalar soni 1 281 100 nafarni tashkil qiladi. 11 ta universitet milliy tadqiqot universiteti maqomiga ega.
Madaniyat va sayyohlik
Moskva — Yevropa va dunyodagi yirik madaniy va sayyohlik markazlaridan biri. Shahar tarixi, madaniyati va arxitektura yodgorliklariga boy. Shuningdek, zamonaviy ko‘ngilochar infratuzilma ham yaxshi rivojlangan.
Shahar bog‘lari zamonaviylashtirilib, oilaviy dam olish uchun qulay joylarga aylantirilmoqda. Parklarda velosiped va rolik ijarasi xizmatlari mavjud. 2015-yilda obodonlashtirish dasturi doirasida 12 mingdan ortiq bolalar maydonchasi ta’mirlandi.
Masofa va transport
- Toshkentdan Moskvaga avtomobil orqali masofa — 3355 km.
- Aksariyat yurtdoshlar Moskvaga samolyot orqali uchib boradilar.
Bugungi kunda 2-avgustga eng arzon aviachiptalar narxi 3 million so‘mni tashkil etmoqda.
